រំជួលចិត្តណាស់ ស្ត្រីទម្ងន់២០០គីឡូក្រាមមើលមឈូសរបស់ខ្លួនទាំងទឹកមុខស្រពោនតែក្នុងចិត្តសប្បាយរីករាយ

ថៃ៖ ស្ត្រីម្នាក់មានឈ្មោះថា Nawarat Chanphon ឬហៅក្រៅថា Bee វ័យ៣០ឆ្នាំ មានទម្ងន់រហូតដល់ទៅ២០០គីឡូក្រាម រស់នៅក្នុងខេត្ត Kamphaeng Phet ប្រទេសថៃ។អ្នកនាង Nawarat សព្វថ្ងៃមានជំងឺលើសទម្ងន់ និងដុះសាច់បំពង់.ក បានស្នើសុំជំនួយពីខាងមូលនិធិមួយ ដើម្បីជួយធ្វើមឈូសដ៏ធំសម្រាប់គាត់ មុនពេលទទួលមរណភាពទៅ។

មឈូសនោះ ត្រូវបានធ្វើឡើង ដោយមានប្រវែង១.៨០ម៉ែត្រ និងទំហំ៩០សង់ទីម៉ែត្រ ហើយរក្សាទុកនៅវត្តមួយ ដែលមានចម្ងាយ១គីឡូម៉ែត្រពីផ្ទះរបស់គាត់។អ្នកនាង Nawarat បានឲ្យដឹងដែរថា រូបគាត់ផ្ទាល់មានអារម្មណ៍សប្បាយរីករាយជាពន់ពេក ដែលមានគេជួយធ្វើមឈូសឲ្យបែបនេះ។ ដូច្នេះ នៅពេលដែលគាត់ទទួលមរណភាពបាត់ទៅ គាត់នឹងមិនចាំបាច់រំខានបងប្អូនឲ្យពិបាកក្នុងការរកមឈូសឡើយ។

យ៉ាងណាមិញ អ្នកនាង Nawarat ក៏ទទួលបានប្រាក់បរិច្ចាគមួយចំនួនផងដែរ ហើយប្រាក់នោះ នឹងត្រៀមសម្រាប់ព្យាបាលជំងឺនៅពេលរើឡើង ឬសម្រាប់ផ្គត់ផ្គង់ពិធីបុណ្យសពនៅថ្ងៃមុខជាដើម៕ ប្រភព៖ khmerload.com